Bordi mjekësor & ekipi kirurgjikal

Mjekët specialistë të Novus ORL

Ekipi ynë i mjekëve specialistë në otorinolaringologji dhe kirurgji të kokës e qafës ofron kujdes mjekësor me standardet më rigoroze evropiane në Prishtinë.

Licencuar

Dr. Emirjon Haxhiu

Specialist i otorinolaringologjisë

Dr. Emirjon Haxhiu është Specialist i Otorinolaringologjisë dhe Kirurgjisë së Kokës dhe Qafës. Studimet e mjekësisë i kreu në Fakultetin e Mjekësisë në Universitetin e Prishtinës, ndërsa formimin specialistik pranë Klinikës së Otorinolaringologjisë në Qendrën Klinike Universitare të Kosovës (QKUK). Formimi i tij profesional përfshin përvojë solide në mjekësinë e përgjithshme, mjekësinë emergjente dhe praktikën e avancuar kirurgjikale ORL, me interes të veçantë në kirurgjinë e kokës dhe qafës, rinologji, kirurgjinë e veshit dhe kirurgjinë rekonstruktive të fytyrës. Gjatë zhvillimit të tij profesional, Dr. Haxhiu ka ndjekur kurse praktike dhe trajnime të specializuara ndërkombëtare në disa qendra evropiane, duke përfshirë programe hands-on kadaverike dhe kirurgji live në Milano, Zagreb, Utrecht, Pragë, Stamboll dhe Bremen, me fokus në teknikat më moderne kirurgjikale.

Shiko profilin & CV-në e plotë

Licencuar

Ass. Dr. Elza Prelvukaj

Specialiste e otorinolaringologjisë

Ass. Dr. Elza Prelvukaj është Specialiste e Otorinolaringologjisë dhe Kirurgjisë së Kokës dhe Qafës, me formim të lartë akademik e hulumtues si kandidate e doktoraturës (Ph.D.) në Fakultetin e Mjekësisë në Universitetin e Ljubljanës në Slloveni. Studimet e mjekësisë i kreu në Fakultetin e Mjekësisë në Universitetin e Prishtinës, ndërsa formimin e plotë specialistik pranë Klinikës së Otorinolaringologjisë në Qendrën Klinike Universitare të Kosovës (QKUK). Dr. Prelvukaj shërben si Asistente në lëndën e Otorinolaringologjisë në Fakultetin e Mjekësisë në Universitetin e Prishtinës, ku udhëheq ushtrimet praktike dhe formimin klinik të studentëve të mjekësisë. Ajo posedon përvojë të thelluar profesionale në diagnostikimin dhe trajtimin e sëmundjeve të veshit, hundës dhe fytit për fëmijë dhe të rritur. E specializuar në estetikë të fytyrës dhe e trajnuar në fushën e kirurgjisë së Kokës dhe Qafës, Dr. Prelvukaj ka ndjekur programe dhe trajnime të kualifikuara kirurgjikale në qendra të shquara ndërkombëtare, duke përfshirë New York, Zagreb, Pragë, Milano, Turqi dhe Holandë.

Shiko profilin & CV-në e plotë

Licencuar

Dr. Lir Jakupi

Specialist i otorinolaringologjisë

Dr. Lir Jakupi është Specialist i Otorinolaringologjisë dhe Kirurgjisë së Kokës dhe Qafës. Studimet e mjekësisë i kreu në Fakultetin e Mjekësisë në Universitetin e Prishtinës dhe formimin specialistik pranë Klinikës së Otorinolaringologjisë në Qendrën Klinike Universitare të Kosovës (QKUK). Ai posedon përvojë të vyer klinike dhe spitalore ndërkombëtare në Gjermani, ku ka shërbyer si mjek rezident (Assistenzarzt) në St. Georg Klinikum në Eisenach. Përgatitja e tij kirurgjikale përfshin kurse të avancuara kadaverike (cadaver dissection), live surgery dhe trajnime praktike ndërkombëtare në qendra prestigjioze evropiane si Cancer Center Utrecht, Weill Cornell Salzburg, Acıbadem Case Stamboll, Zagreb dhe Universitätsklinikum Jena në Gjermani, me interes dhe ekspertizë të thelluar në rinoplastikë, kirurgjinë e kokës dhe qafës, kirurgjinë e veshit dhe procedurat endoskopike ORL.

Shiko profilin & CV-në e plotë

Pse pacientët zgjedhin mjekët tanë?

Specializim i avancuar klinik

Trajnime të rregullta ndërkombëtare në qendrat kryesore evropiane të kirurgjisë ORL.

Teknologji endoskopike & mikrokirurgjike

Ekzaminime dhe ndërhyrje me video-endoskopë dhe mikroskopë operativë të gjeneratës së fundit.

Qasje njerëzore & pa stres

Komunikim i qartë, trajtim i personalizuar dhe mjedis miqësor veçanërisht për fëmijët.

Kontakt i vetëm zyrtar

Gati për të përmirësuar shëndetin tuaj?

Për të gjitha konsultimet, diagnostikimet dhe ndërhyrjet kirurgjikale, klinika jonë operon me një numër dhe qendër të vetme kontakti.

WhatsApp: +383 49 963 333 +38349963333 Kontakti